Karaçay Malkar Türkiye

Kadar


Gitçele anglamayla meni.
Ullula da anglamayla meni.
Ustazla da anglamayla meni.
«Nege kıynalıb küreşese?
Kimge kerekdi seni nazmularıng?»-
Ma alanı sözleri.

Şorbat çıpçıkğa sorama:
«Meni cazğanım kerekmidi senge?».
Nazmula tül, buday bürtükle
İzleydi aç kanatlı menden.

İtge sorama:
«Meni cazğanım kerekmidi senge?».
Ol a, süyek izleydi menden –
Eti bla bolsa artık da igi.

Kişdikge sorama:
«Meni cazğanım kerekmidi senge?».
Ol a süt saklaydı menden,
Süt başığa da cokdu oğayı.

Sora men kanatlığa sorama:
«karından başha kayğı cok ese,
Nek zavuklanasa kökde, uçub,
Nek cüvüldeyse terek butakğa konub?».

İtge sorama:
«Süyeging da bar. Tabağıng da aşdan tolu.
Dağıda ürese, uluysa, çabasa.
Ne üçün?».

«Kişdik, sen a nek omaklanasa?
Kesingi har kimge ışıb, muruldab, makırıb,
Ne izleyse? Ne cetmeydi sennge va?».

Ey şohlarım, bizge tınçlık bermegen,
Barıbızğa da cetmegen bardı bir zat.
Oldu manga da cazdırthan nazmu.
Anı ne bolğanın a aytallık, anglatallık tülme men da.
Aytalla: seni kişi angılamaydı sora
Sen kimge cazasa nazmu?
Bir adamğa kerek tüldü seni cazğanıng.

Men da aytama alağa:
Angılamay esegiz, angılayalmay esegiz,
Meni ne tersligim bardı da anda?