Karaçay Malkar Türkiye

CÜREKNİ TATLI SEZİMLERİNE

Uppa eteme erinleringi,
Belingden süyüb kıshanma.
Cürekni tatlı sezimlerine
Sen ber kesingi, kızğanma.

Karayma kap-kara közleringe,
Kaşlanı kalam sızğança.
Cürekni tatlı sezimlerine
Sen ber kesingi, kızğanma.

Tıngılayma uyalçak sözleringe,
Gülleden tamçı sarkğança.
Cürekni tatlı sezimlerine
Sen ber kesingi, kızğanma.

Ağudanıkıça süeginge
Karab köb nazmu cazğanma.
İynan da senge süymekligime
Kesingi menden kızğanma.

Tengiz tolkunça köküreginge
Başımı korkmay salğanma.
Cürekni tatlı sezimlerine
Sen ber kesingi, kızğanma.

Kanatlana turğan cüreginge,
Tıngılay, otdaça kızğanma.
Süymeklikni tatlı sezimlerine
Sen ber kesingi, kızğanma.

Kıznı bek kalın köküreginde
Akğıllık, cukla, uyanma.
Caşlıknı tatlı sezimlerinde
Sen erkin cuvun, uyalma.

Uppa eteme közleringi,
Belingden cumşak kıshanma.
Cürekni tatlı sezimlerine
Ber, ber kesingi, kızğanma.