Karaçay Malkar Türkiye

CANIM, SENİ SÜEME

Başhası cok, sen manga – akkan çayır,
Cüregimi carasına cağayım.
Katıbmı, buzlabmı turasa? Hayır,
Sen erirça gür-gür etib canayım.

Tab eki temir da bir bolur üçün,
Kerekdile kızıv bolub erirge.
Horlayalsam süymeklikni dev küçün,
Seni bılay talpımazem körürge.

Bir sağatha meni ornuma caş bolub,
Bir sağatha angılayalsang halımı,
Tab tursang da bu duniyada baş bolub,
Kızğanmazeng manga subay sanıngı.

Canınga tiyerme deb, korkğandan,
Aytırımı aytalmayın küeme.
Taşayğınçı karab turub ızıngdan,
Şıbırdayma: canım, seni süeme.