Karaçay Malkar Türkiye

BÜĞÜN  BİZDE

Sabiyçikle suv kumdan
Üyçükle işleyle.
Ala össele baş tuthan
Bollukla, esleyme.

Gitçe kızçık cücekge
Aş bere turadı.
Neçik igid cürekge,
Kuvançlı uradı.

Gitçe kızçık gincini
Başçığın sılaydı.
Kalğansa deb incilib,
Cumşak kuçaklaydı.

Arlakçıkğa keted da,
Aşığış cetedi.
Közçüklerin sürted da,
Uppaçık etedi.

Kün da bılağa carık,
Bek carık tiyibdi.
Kızçık tüldü cılarık –
Kayğı cok kibikdi.

Kün turuşda olturğan
Akka da alğış eted.
Kölü asrı tolğandan
Közlerin sürted.

Ol zamannı oyumlaydı –
Başha künle esinde.
Kızçık «kızı» bla oynayd,
Bir ışara, bir küle…