Karaçay Malkar Türkiye

SABIR TÜBÜ SARI ALTIN

Emilikni üretir üçün
Avuzluknu kıyırların
Citi etib, kabdırabız,
Bek tartabız ayılların.

Sora anı çabdırabız
Arıthınçı, tögerekge.
Ne süysek da ol alay bla
Ürenedi at kerekge.

İyesine boysunadı:
Anı iynak sözlerin da,
küçlü kolla tiygenin da
Ol angılaydı, ongsunadı.

Cürekge da biz bir-birde
Avuzluknu bilsek sala,
Bolmaz edi koldan ölgen,
Tüşmez edi tab söz cara.

Çıdamlılıknı ayılların
Ahırına deri tartıb,
künübüznü biz başlasak
İgi bolur anı artı.

Kulakların cumub acir
Börünü sürüb barğanda,
Barıbız da etib seyir,
Mahtav deybiz birden anga.

Çabhan cavnu biz kuvayık
Börünü kuvğan acirça.
Bir-biribizge va dağan bolayık
Soslan kayaça, temirça.

Biz alay köb da tülbüz, Teyri,
Da köb da az bolub kalır –
Bir-biri bla caraşmasa
Üyür çaçılır, kıynalır.

Bir-biribizge biz töze,
Bir-biribizni da keçe
Bileyik ansı – künübüz
kara keçe bolub kalır.

Tıya bileyik kesibizni
Tüb bolğanlağa karab.
Bolmaz üçün koldan ölgen,
Tüşmez üçün tab söz cara.