Karaçay Malkar Türkiye

Bagalısa, Anam...

Düniyada bagalısa,
Anam,canım, tıngla manga.
Cartı colda koyup ketme
Dep tileyme, taralama.

Balsıtama, tansıklayma
Erkeletgen kollarını.
Unutmayma, sagınama
Caşavuma algışını.

Elde kuvanç, buşuv bolsa,
Kimden de alga cetese.
Adamlanı kuvandıra,
Aşhı sözle teceyse.

Sormay cete kartlık,
Cüregimi eritedi.
Aklıgında çaçlarını
Cangılıçım körünedi.

Cüreklede orun tabıb
Kalgandıla uşaklarıng.
Seni dayım bagalatıb
Sagınalla honşuların.

Bellav ayta kulagıma,
Carık cırla eşittşrgense.
Algış ayta sav düniyaga,
Rahatlıknı begitgense.

Beşigimi sen tebrete,
Cukusuz çıkgansa tanglaga.
Bileme allıngda borçluma
Bu caşagan cıllarımda.

Östürgense bavurungda,
Kıyının ulludu seni.
Nüzürünü bagalata
Caşayma, anam, seni.

Köb künleni, cıllarını
Aşırgansa, saban tüzde.
Cılıvları kollarını
Sinedile ceribizge.

Sen barsa,savsa , caşaysa,
Cırım, muratımsa meni.
Ma seniça anaları
Köb bolsunla sabiyleni.