Karaçay Malkar Türkiye

Tüşübüz Seyirdi

Karangı keçe
Köznü alcatad
Caznı çagı da
Suvuksuratad.

Tatlı tüşüme
Soruvsuz kirdin,
Rahat cukuma
Kaygını berdin...

Elni oramın
Çıktıng allıma,
Közle nür töge,
Karayalmayma...

Cuvuklaşhanlay,
Ozup tebredin.
Nazik karamnı
Sansız ciberdin.

Til tutulgança,
Atlayalmayma.
Sen a, uzay a,
Suvuk karaysa...

Kengden eşitildi
At ayak tavuş.
Taşla tüşgença,
Zıngırdadı avuş.

Çaprak başlada
Kök küküredi,
Kaygısın çaça,
Eliya tepseydi.

Marab turgança,
Bir atlı cetdi.
Camçıga çırmab,
Sermeb alıb ketdi...

Sürsem a, cetdirmey,
Taşaya barad.
Kamçisin guzaba
Atına salad...

-Uyatdı avazıng
Bolgança kölkaldı,
Tüşle da salalla
Cürekge cüz kaygı...

Kuthardın pelahdan
Kuturgan atlıdan,
Sadakça çıkgan eding,
Ötdürgünçü ol tardan.

-Anı üçün bolured
Karamay ozganıng,
Oramga sıyınmay
Aşıgıb barganıng...

Küldük ekibiz,
Seyirsine tüşge,
Süymeklik tartadı.
Cangıdan kesine.
Tang carık uzatad.
Nürlü karamın:
-Süymeklikni saklagız
Sizge, - dedi,- amanatım...