Karaçay Malkar Türkiye

Erkin Esimi Keng Düniyaga Bölüne

Caz cıluvu cüregini
Cılıtsa,
Aşhı umut köllendirib
Cırlatsa,
Erkin esim keng duniyaga bölüne,
Bilemise ne keledi kölüme?

Çuvak keçe uzak culduz
Işarsa,
Gelev hansda ertdengi çık
Cıltırasa,
Erkin esim keng düniyaga bölüne,
Bilemise, ne keledi kölüme?

Cavun tamçı kün tayaktan
Nür alsa,
Cazgı künde gokka hansçık
Işarsa,
Erkin esim keng düniyaga bölüne,
Bilemise, ne keledi kölüme?

Kum tüzde suvsab adam kesi
Kalsa?
Cangız colçuk eki carı
Ayırılsa,
Süygen cürek süymegenge
Tabılsa,
Erkin esim keng düniyaga bölüne,
Bilemise, ne keledi kölüme?

Hını cel urub terekleni
Avdursa,
Irhı kobub cerge zaravatlık
Tüşürse,
Eliya urub kayadan taş
Çartlasa.
Erkin esim keng düniyaga bölüne,
Bilemise, ne keledi kölüme?

Cürekleni caşav anga
Çakırsa,
Cerni üsü mamırlıkga
Bölense,
Can cürekni talpıbanın berelse,
Erkin esim keng düniyaga bölüne,
Bilemise, ne keledi kölüme?..