Karaçay Malkar Türkiye

KARAÇAY

İginge cürekden kuvana,
Bulutdan çıkğan künça caşnay,
Men cırlayma sanga iynana,
Tinimi Mekkyası - Karaçay!

Amanıng bolğanda kıynala,
Küçüknü makamın murulday,
Men caşayma sanga iynana,
Nasıbsız nasıbım - Karaçay!

Başha bolmay, cürek cürüşüm
Kağıtha tüşgennge uşağan
Tavlarım - Allahdan ülüşüm! -
Dey, nasıbdı menge caşağan.

Tıngılayma carık mıdahlık
Cırına koşulğan Kobanga.
Körümü kırdışın sılarık
Ayazıng da kuvançdı manga!

Bolmay tot har çalkıng, orağıng
Çalsınla boysuna zamannga!
Sanlarım koşulluk topurağıng
Altından bağalıdı manga!

"Hasavka" bla "Umar" cırlarıng,
Cazılğança karab kur'anga,
Körnü körmesin cır burağıng,
Çırt boysunmasın ol zamannga!

Cüreging kuvançdan cırlasın,
Cılağan da kerek bolğanda,
Çayırı aslamdan cılasın
Tamızık çırağıng tıbırda!

Bolalsam da usta cürütgen
İlkerge uçarık kemeni,
Hunangı teşigin begitgen
Men barmak taşçığıngma seni!

                      1991 c.