Karaçay Malkar Türkiye

Buşuv

İt cok cerde, tülkü kibik ürgenin,
Sezse da ol, çaşıraed kesinden.
Cılla oza, bu bolumga ürenib,
Aygak boluv korkuv ketdi esinden.

Zaman oza... kuru kaldı horlamdan,
Kün tayak da sadak boldu betine,
Har söz taşça kelib tiydi sırtından,
Kültüm sala cüregine, etine...

Caşlığında bayrak kibik çaykalğan,
Kayda kaldı, bolur aşhı muratı?
Ak umutu çakırsa da culduzdan,
Uçalmadı, sıngan kibik kanatı.

Çaçalmadı kabırğasın zamannı,
Boy salalmay iriyatladı cazıvnu.
Şoş eşitildi carık cırı Kobannı,
Sezgen kibik cüreginde buşuvnu.

Halk, gırcından toyalmağan zamanda.
Toğurakğa poet atnı alırğa
Kıyın tüldü. Bolmasa va ol kanda,
Madar cokdu nazmçulay kalırğa.