Karaçay Malkar Türkiye

ÇAKIRADI KARTCURT

Salkın ayaz sılay kümüş sakalın,
Mingi Tavnu turuşunda olturad,
Tansık sezim cesir etib akılın,
«Keligiz», deb Kartcurt bizni çakırad.

Toprak kesek alırğa deb sen atlan,
Karaçaynı atasına — Kartcurtha.
Atamı süyeme deseng, iynanmam,
Ullu köllülüğüng bolsa bu curtha.

Karaçaynı cavdan saklay sarkğandı
Ma bu cerge köb cigitni kanları,
Ma bu cerge ömür toprak bolğandı
Ata babalarıbıznı sanları.

Beri kelseng, sen kölüngden etme tas
Bar halingden saylarıngı sabırın.
Keşenege çıksang, cerni esleb bas,
Teblemezça sen ahlungu kabırın.

Kök Kobannı konguravlay avazı,
Ejiv ete, nazik beşik cırlağa,
Mingi Tavnu keleçisi — ayazı
Alğış aythand İslam kibik caşlağa.

Aliy ulu — nasıb colnu ustası,—
Mında çabhand tayakçıknı at etib.
Bellyav aythand Azretge da anası,
Taza cürek sözlerinden cır etib.

Çık karnaşım, çıkçı colğa aşığış.
Tuvduğuna karab Kartcurt kuvansın:
Ol borçungdu, eski curt bla sen tanış,
Andan başha işing kesek saklasın!

Beri termilib ölgenle üçün, sen
Kel kuçakla eski curtda savlanı!
Küzgo kibik kök Kobandan suv içseng,
Ba eterse ak başları tavlanı!