Karaçay Malkar Türkiye

AHIR SALAM KAĞITLA

1

Meni köbge miyik etib kesimden,
Salamımı saklavçaned taza can,
Büğün ketgen bolurma men esinden,
Cürek cılıv izley bolur başhadan?

Ahır kere men cazama keçigib...
Kim biledi, okurukmud ol anı?
Cırtıllıkmıd pismom, aynı keçinib,
Erikdirse «Dovostrebovaniyanı?»

2

Culduz uçub cuklangança, karamıng
Köründü da, köz allımdan tas boldu.
Söz nögerim — kaçhı celni sarını
Köb keçeni öhtem kölüm az boldu.

Kim biledi, baralmadım bolur tüz,
Cazıv savğa etib bergen columda.
Şıbırdaydı, carsıvuma sebe tuz,
Kuv çaprakça ahır pismong kolumda.

Ne aytayım, sav bol ahır pismonga,
Cazıksınma, kerek tüldü ol manga!
Carsıvumu sen cartısın költürme,
Cazıksınıb, eki kere öltürme!