Karaçay Malkar Türkiye

Kıznı sarını

Oy, anam, anam, kalay eteyim,
Ne derti bar ed Allahnı?!
Birgeme alıb kayrı keteyim,
Men üyübüzden palahnı?!

Cıl bla üç aynı saklağan
Nek tözalmadı üç künñe?!
Ömür cukunu saylağand anam,
Bu künnü körmez üçünge.

Kabırdan karab köralmağandı,
Kalay kaythanın balası...
cangız caşına, sandık bolğandı —
Afganistannı savğası!

Betine cangız birçik karayım,
Sen bir aç, atam, sandıknı!
Ol burma çaçın birçik tarayım,
Caşçık bir körsün carıknı!

Sandıkda cathan kerti ol ese,
Açığız başın, köreyim!
Caşçık sandıkdan çığala ese,
Anı ornuna kireyim!

Afğanistanga barmayla deyle,—
Kullukçulanı caşları...
Atam, caşıngı bukduralmalla,
Afğan tavlanı taşları...