Karaçay Malkar Türkiye

BİÇENLİKDE

Ertdenlikde suvuk singen tavlağa
Kün nüründen cılı çepken biçedi.
Çıpçık cırla tınçlık bermey havaga
Kızıb ertden çıknı içedi,

Bilev cılan kurç çalkını avuzundan
Ölüm kara dürü tübge kaçadı.
Bödene da, kutuldum dey acaldan,
Çöb başlanı kaltırata uçadı.

Sepkilkanat göbelekke, havada
Uça kelib, mant başına konadı.
Cücü bazar kozğalğandı zabada,
Kün tübünde caşil dürü ongadı.

Bal çibin da hayır tabmay tüşünden
Burunçuğun gokka hansha kömedi,
Bir kesekge soluv taba işinden,
Baş költüre, kün tayaknı emedi.

Tal terekçik, bir közüvde şıbırdab,
Ayazçıknı hariflerin okuydu,
Kaska soğad sıbızğısın alay tab,—
Ol makamnı ayaz küseb toğuydu.

Künge betin açhan gülça, har cürek
Tazalıkğa kesin alay açadı.
Cer kuvançha bolmağança çırtda çek,
Hur tabiğat kayğılanı çaçadı.