Karaçay Malkar Türkiye

KIŞHI OYUVLA

Başçı bolğan kar burhuçuk,
Ak kaz kibik süzüled,
Izından a, mıçımayın,
Burçak sürüv tiziled.

Bir közüvde, avaz bere,
Çabıb cetse cel elge,
Cangız turğan -tal terekçik
Uşayd soruv belgige.

Elge kablayd kış ak tonnu,
Savğa bere bolur ol?
Çüyre tonnu ekn cengi —
Elden çıkğan eki col.

Kar tohtadı soluv izleb,
Kozğaldila adamla.
Har ayak ız — kobuz tiyek,
Bassang çığa makamla

Kün kubulad kelin kibik,
Av cavluğu bulutdan,
Karasa va, kümüş karğa
Ming köz salad nakutdan.