Karaçay Malkar Türkiye

KOBAN

Özenleni, keng tüzleni
Suvsabların kandırğan,
Mingi Tavnu cüregini
Kan tamırısa, Koban.

Karaçaynı Kobanı,
Mingi Tavnu kök kanı,
Alğışları kartlanı,
Tarkayma ming cıllanı!

Caz başında kemsiz aza,
Kulak suvdan uyala,
Cayda — boza, kaçda — taza,
Kış bolsa va — miyala.

Seni suvung — meni kanım
Öhtemliging kölümde.
Sabır bolğanlıkga angım,
Cengilliging halimde.

Endi halkım termilmesin,
Senden urtlam urtlarğa!
Açlık cetib küsemesin,
Taşlarıngı calarğa!

Sınamazça halkım kulluk,
Ömürde da bolma say,
Etib tursang halal kulluk,
Razı turur Karaçay!