Karaçay Malkar Türkiye

DANGIL TÜZDE

Cer üsünde har neden da
Miyik bolub kalğança,
Seskeklenib süeleme,
Men işekli adamça,
Kim ese da tüz sırtımdan
Menge karab turğança,
Burulama, dangıl tüz a
Kıyırsızdı zamança.

Kök kanatlı cırçı ayaz
Kün çıkğandan keledi,
Barmakları kavralağa
Kıllağaça tiyedi.
Ayaz künnü ak bulutlu
Köz kabağın açadı,
Cayğı kün da duniyağa
Altın nürün çaçadı.

Kuçagımı künge kerib,
Men uçunub soluyma,
Köknü kök kol ayazından
Kök havanı toğuyma.
Teşilgendi sezimimi
Baylab turğan kürme da,
Endi kesek ileşgenme,
Cetişgença har ne da.

Közlerimi kısama da,
Körünedi Mingi Tav.
Cüregimi urğanı da
Eşitiledi: Taw! Taw! Taw!..