Karaçay Malkar Türkiye

GOSPİTALDA

Cuklayalmay çıkğanma tanga.
Kün nürün tecese da manta,
Terezem közüvde tubanga
" Uşavçandı, karayma anga...

Açıvnu kesimden bukdurub,
Kesimi katdırıb, men turub,
Çınamı tereze tübüne
Salıb, köb karadım tübüne...

Çaprakla, sarğalğan çaprakla,
— Cılıvğa kesekge konakla,
Başlangandı ahır ayığız,
Qalay terk boşaldı cayığız?!

Burulasız ağa töbenñe, —
...Zabağa, kumursha töbege...
Bolluklaça kabır kalakla,
Siz catasız tüşgen çaprakla.

Cayda köb bolsağız da, özge
Büğün köb körünesiz közge,
Sıyınmazça kölge, sabanga...
Koranç köb körünemid canga?!

Caşavğa kesekge konakla —
Terekde sargalgan çaprakla,
Bir kayğı cesirley esimi,
Men izleyme sizde kesimi.