Karaçay Malkar Türkiye

ERİNÇEK ASKERÇİK

Cazğı künnü tayağı
Terezeden urğandı.
Askerçik a ornundan
Bek kıynalıb turğandı.

Betin, kolun kiştikça
Cuvğan atlı etgendi,
Bappusu bla kolunda,
Ol derslege ketgendi.

Ayüçükça tomala,
Sabır-sabır baradı,
Terk cürümey, tengini
Bek cüregin caradı.

Açıvlanıb tengçigi,
Anı koyub ketgendi,
Askerçik a keçigib
Derslerine cetgendi.

"Erinçek!-deb ustazı,
Uruşadı Askerge,-
Bu halili tınçkoynu
Tab almazla askerge".

Çamlanadı ustazı,
Asker örge karaydı,
Lüstralağa olturğan
Çibinleni maraydı.

1974 c.