Karaçay Malkar Türkiye

CIRÇI BLA ARBAÇI

"Arba kibik barad caşav"
Aliylanı Şaharbiy.

İye bolğan "caşav" degen arbağa,
Meni cırım cırlansın! - deb buyurad.
Madar bolmay başha cırnı cırlarğa,
Arbaçını cırın cırlayd camağat.
Arbaçı da öhtemlenib ışarad,
Cügenni da tüz tutarğa unutub.
Cankılıçnı sürgen kibik halk barad,
Nasıb izleb, belgisizge col tutub.

Bu bolumnu esleb cırlayd bir insan:
"Bılay barsak, tirelirbiz kayağa!"
Tüşürelle anı caşav arbadan,
Bayam etib atın ceti duniyağa.
Çarhnı coldan terseytse va arbaçı,
Halk incilib, davlar carık künleni.
Esge tüşüb colda kalğan ol cırçı,
Arbaçıdan sıyırırla cügenni.

Halk baradı caşav degen arbada,
"Çarhı - zaman, kegeyleri - ömürle",
Halk barlıkdı kün sav bolub alamda,
Arbaçıla keterle da kelirle...
Har adam da teñdi caşaw arbada,
Cırlay bilgen korkmasın da cırlasın!
Halk küçü bla cır kuralsın arada,
Ol cır halkğa kıblamaça carasın!

1984 c.