Karaçay Malkar Türkiye

COLDA

Kart Omar kadırğa minip barad.
Tavlanı başında kar cıltırayd.

Kar cıltırayd kadır közlerinde,
Omar üyüne ceter ingirde.

Anı ızından maşina ceted,
Ceted da, şuvuldap, ozup keted.

Maşina tav el tabağa barad.
Omar kadır bla artda kalad.

Ol karayd maşinanı ızından:
«Ne seyir zatla bard, - deyd, -duniyada!»

Omar savlay caşavun, kadırdan
Cengil zatha minmeyin, ötgergend,
Omarnı tavda bir taşlı colda
Kartlık ızından ingirde cetgend.

Ol, maşinanı ızından karap:
«Kim biled, caşlay anga minsemed,-
Deyd, başın da avur-avur çaykap,-
Kartlık meni ızımdan cetmezed!»

Kadırğa minip barğanlay, colda
Omarnı kartlık cetgend ızından...
Tavla da kartdıla, karlı tavla.
Maşina Omarnı ozup keted.
Omar, kara kadırına minip,
Uzakdan - eski duniyadan - keled.