Karaçay Malkar Türkiye

COLDA BİZNİ CAVUN CETEDİ

Colda bizni sak cavun cetedi
Bahsandan kele turğanıbızlay,
Atla calkaların cibitedi,
Terk cetedi, kuvğunga barğanlay.

Biyçesın canından suhu keled,
Izından duşmanları sürgença,
Bizni ızıbızdan cengil ceted,
Kerti da bizni kuvup kelgença.

Camıçıladan suv elpek sarka,
Cibigendile başlıklarıbız.
At ayak ızları suvdan tola,
Aşığıp baralla atlarıbız.

Sak cavun tüzlede budaylanı
Cibited, kandırad, kuvandırad.
Tav cavun, cibite harbızlanı,
Aşığıp, elden elge öte, barad.

Can-canında cibigen bahçala.
Cavun, bizni ozup, ketgend alğa,
kıyındı erişgen anı bla
-Ol bizden alğa cetgend şaharğa.

Ol, bizden alğa cetip, kakğandı
Terezelerin üyleribizni,
Üy başlarından enişge sarkğandı,
kuvandırğand sabiyleribizni.

Üç atlı barabız biz cavunda,
Ol bizni Bahsandan kele cetgend,
kuvanç hapar kibik ızıbızdan,
Camıçı, başlık koymay, cibitgend.

Sabanla ösedile cavundan,
Cavun elden elge ötüp barad.
karavulçu, gitçe koşçuğundan
kara cavunnga karap, kuvanad.
1940