Karaçay Malkar Türkiye

EŞEKGE MİNİP BARĞAN CAŞÇIKNI
CIRÇIĞI

Sen barasa,
Kök kırdıknı küsey,
Cort, cort, gılıvum,
Cort, cort, gılıvum!

Terk barmaysa, terk,
Keç bolabız biz!
Cort, cort, gılıvum,
Cort, cort, gılıvum!

Seni esingde
-Cangı kök kırdık,
Meni esimde va
-Kök maşina.

Köm -kök maşina,
Tünene keçe
Anı tüşümde,
Tüşümde kördüm!

Seni esingde
-Ol cangı kırdık,
Meni esimde
-Ariv maşina!

Ol, bizni cetip,
Terk ozar edi,
Keter edi,
Bizni artda koyup.

Cort, cort, gılıvum,
Cort, cort, gılıvum!

Sen da aç boldung,
Men da aç boldum.
Anam, gırcın etip,
Saklay bolur.

Cort, cort, gılıvum,
Cort, cort, gılıvum!

Anam elegen
Unnu kışhırın
Berirme sanga,
Toyarsa igi.

Cort, cort, gılıvum,
Cort, cort, gılıvum!

Ahşam karangı
Keledi kuvup,
Cetdirmeyik biz,
Cetdirmeyik biz!

Cort, cort, gılıvum,
Cort, cort, gılıvum!

1940