Karaçay Malkar Türkiye

URUŞNU ÜSÜNDEN

1

Tonav uruşnu körüp bolmayma,
Ol köp adamnı cerde çirited.
Köp adamlağa köz caş tökdürüp,
Köp sabiyleni o l öksüz eted!

Fahmululanı, akıllılanı
Kanları tögüled uruş tüzde.
Adamnı küçü, esi, caşavu,
Kül bolup ketip, catalla cerde!

2

Alay urungan halk erkinligi,
Caşavu em nasıbı üçünnge
Hazırem men bek açı uruşha,
Arsar bolmayın, batır kirirge.

Cerni başında andan songura
Kerekli uruş cokdu duniyada,
Ömürlük carsıvğa ol ot salad,
Erkinlik beredi ol adamğa.

Kaçan koyarık bolurla adamla
Kereksizge bir birni kırıvnu,
Ok, ot bla cerni candırıvnu,
Bir birni üsüne ot kuyuvnu?..

Urungan adam it zalimleni
Takır kabırğa salıp bir boşar.
Bir birni üsüne ok, ot sepmey,
Sav adam ulu nasıplı caşar!

Oy, iysağan, ol erkin künleni
Öz közü bla bir körür edi!
Savlay duniyağa, kuvançlı karap,
kuvançlı salam bir berir edi!