Karaçay Malkar Türkiye

ESKİ MALKARĞA

Oy, eski Malkar, sen ne açıyeng,
Köp canla açı çayır çaynağan,
Köp carlı sırtda, kolda coyulğan,
Takır kazanda küygen, kaynağan.

Keng calpaklada köp calçılağa,
Açıtıp, zorçu kaması kirgen,
Karaköz kızla, cüreklerine
Kıptıla urup, kanların iygen.

Oy, açı kama, ne köp cürekge
kanlı col salıp, kızıl kan tökdüng
kara avzungu kandan tolturup,
Ne köp karınnı sen carıp ötdüng!

Köm-kök gelevge kanı tögülüp,
Amalsız calçı anga karağan,
Tögereginden boluşluk tapmay,
Can ala, kök kırtişni talağan.

Kart anaları caşları üçün
Cerbaş üylede cilamuk iygen,
Kan camıçığa caşı çırmalıp,
Ana cüregi kesevça küygen.

Malkarlı közge tot paşot bolup,
Şulpu tumannga mudah karağan,
Har atlağandan, hını abınıp,
Carlı tavlunu burnu kanağan!..

1934