Karaçay Malkar Türkiye

FRONTDA TAvLU CAŞLANI CIRI

Kanlı uruşnu sınatabız biz
Bizge uruş açhan cavlağa,
Ne kaytırbız, ne kaytmabız
Biz tuvğan, ösgen tavlağa.

Çal boladıla kara kayğıdan
Köp analanı çaçları,
Caphandıla kayğı bulutları
Tavlarıbıznı başların.

Analarıbız da bizni saklay,
Tangları cukusuz ata,
Egeçleribiz da colğa karay,
Künleri kayğıda bata.

Ölgen caşlanı buzlu çaçların
Tüzleni celleri sılay,
Ullu Holamda kobuzçu kızla,
kobuzların atıp, cilay.

Ölüm berebiz kanlı uruşda
Biz duşmanlağa savğağa,
Kimibiz kaytır, kimibiz kaytmabız
Bizni saklağan tavlağa!..

Calanda bu tögülgen kanıbız
Halknı hatadan saklasın,
Biz bılay tansık bolğan tavlada
Palahnı tangı atmasın!

Murkku ezgenley, avlakla karın
Kızartdı bizni kanıbız.
Tavla, ayıp etdirmebiz sizge,
Çığıp kalğınçı canıbız.

Biz sizni üçünnge dep caşaybız,
Ölebiz sizni üçünnge,
Turabız karlarığıznı köre
Uruş tütünnü içinde.

Taymay katlay turabız uruşda,
Boy bermegenley cavlağa:
«Biribiz kalsa da, biribiz kaytır
Bizni saklağan tavlağa!..»