Karaçay Malkar Türkiye

FRONTDAN ÇEGEMGE CİBERİLGEN NAZMULA

1
Uzaklık ayıradı ekibizni,
Sen Çegemdese, menden uzakdasa,
Bizni ayıra kengligi tüzleni.
Sen tavlada meni saklap turasa.

Atadıla bizni ayırğan tangla,
Ötebiz kıyınlıklanı çeginden,
Kara tumanla bashan tüzle, tavla,
Künle uruş tütününe çörgele.

Kartoş kazğan, kün küydürgen kollarıng
Uruşda meni közüme körüne,
Tileyme men kaytırımı arı
-Seni tabar tuvğan sıylı cerime!..

2
Uruş başlanngan kününde
Seni kağıtlarıngı
Men kesim küydürgen edim,
Cav maltamazça alanı.

Artha - ol künlege - karap,
Köreme kara tütünnü,
Manga cazğan kağıtlarıng
Entta küe turğan kibik!..

3
Frontda kış. cavadı kar,
Çimmak bolup barama men.
Büğün sizde da kar cavğan
Sunup, turama men alay.

Uzakdasa. Arabızda
Tüzleni cangı kar caba,
Bara bolursa oramda,
Seni da bu kar ak etip.

Seni ariv sıfatıngı
Cabarlamı menden tüzle?
Seni betingi, halıngı
Unutdururlamı künle?

Keçelede barmıdı küç
Seni menden caşırırğa?
Barmı küçü uzaklıknı
caşırırğa meni senden?

5
Büğün frontda kördüm cangı karnı,
Ol karda börüle ızların uğay,
Kördüm anda kızıl kan tamğalanı,
Temirçi kolda ezilgen murkkulay.

Kış künlede sen, uruşha es bura,
Sanay uzun kıyın künlerin anı,
Tilek et tavda, canngan otha karap,
Tögülüp kalmasın dep karğa kanım!..
1943