Karaçay Malkar Türkiye

Keçegi uruşdan keltirgen edile,
Tohtamay kelgen kanı caralarından,
Kiyirgen edile salambaş üyçükge,
Caralı soldatnı, şineline çörgep.

Ol, şinelin kiyip, uruş etgen edi,
Barğan edi köp kün cavunla tübünde,
Köp keçe cılıtıp turdu da ol şinel,
Ol şinel üsünde kanı da buzladı.

Bir da tarıkmağanlayın, uruş etdi,
Caraları açığanlarına çıday,
Okoplada da aşırdı köp keçesin,
Başında kışhı kökge da köp karadı.

Eki közün kıshanlayın körüp turdu
Üyde kızçığı harflıknı okuğanın,
Üydegisini betin da köre edi
Uzak elinde, kıyınlık köp elinde.

Caralı bolğan sağatda da alanı
Eslerge bolur edi ol, azap çege,
Aytmavçu edi ne kıyınlıkda da ol
Bir kişige da kesini kıynalğanın.

Endi va ölüp catadı. Üydegisi,
Sabiyi da körmez coyulğan soldatnı.
Duniyada suvuk alay katı, ullu!
-Bilmeybiz tambla va kim ölürün biz!

Soldatnı taza kanı karın kızarthan
Cer baş urğan bolur bu ölgen soldatha,
Ol karğa cığılğanına karağan kök,
Mudah bolup, kara kiygen bolur anga!..
1943