Karaçay Malkar Türkiye

ESKİ COMAK

Sen eski comaknı aytma manga,
Cırlama manga sen eski cırnı:
Ala da boyalıpdıla kanga,
Etilgendile palah colunda.

Mudah ot cağada kıyı otdan
Urğan iyisça, entta aladan
Uruş iyisi kele uzakdan,
Zamanla cutup ketgen cılladan.

Alada kayğı, kırkılğan kıllay,
Tarala, kuzğunla da kıçıra,
Cılla karalthan ocak calınlay,
Kara kanatlılanı uçura.

Sen eski comaknı aytma manga,
Ansız da büğün meni cüregim
Uşaydı küyüp kalğan avlakğa,
Andan uradı palahla celi.

Uğay, ayt caşavnu comakların,
Eski cırların da ayt sen manga!
-cer kötürgença, kötürür barın
Cüregim, boyalğanlıkğa kannga!..
1943