Karaçay Malkar Türkiye

Uruşnu buşuvu cüregimde,
Taşda ok koyğan ız kibik, turur,
Askerle ozğan uruş tüzünden
Kibik, andan kayğı celi urur.

Ol carsıvnu kördüm analanı
Betlerinde bla kaşlarında,
Arığan közlerinde alanı,
Kezivsüz çal bolğan başlarında,

Topla oyğan, buzğan şaharlada,
Sabiyçikleni aç betlerinde,
Ölüle buzlap cathan collada,
Samolöt, ot töge, ötgeninde.

Cara tabınlay soldat etinde,
Kallıkdı bu carsıv cüregimde,
Bathan kemeça tengiz tübünde,
Turur bu carsıv har bir sözümde!..
1943