Karaçay Malkar Türkiye

URUŞDA EKİNÇİ BEK
KIYIN KÜN ETİLGEN NAZMU

Bardı da amal unuturça barın
-Kayğını, buşuvlanı, palahlanı:
Kıyın sağatda, kerohnu çığarıp,
Atsang, öz öşününge tirep anı!

Unutur edim bu kara künleni,
carlı bolğanların köp analanı,
Öksüz bolğanların köp sabiyleni,
Azapnı, bu kül bolğan kalalanı,

Unutur edim coyulup, kan cuğu
Bolup cathanların da soldatlanı,
Bolmaz edi azap çekgen cuvuğum,
Körmez edim palah cakğan otlanı!..

Alay caşav karaydı, anam kibik,
Közüme kıyınlık cetgen sağatda:
«Caşımsa, köl et, başıngı tut biyik!
Caşav boş zatdı deme sen palahda!»

Salama kerohnu suvuk kabına,
karap turğanlay ak karda kan ızğa,
Çıdarma dep cerni har palahına,
Söz bereme caşavğa - anabızğa!..
1943