Karaçay Malkar Türkiye

URUŞDA ÖLGEN TENGİM MANGA KELDİ

Tavda konak atın tar arbazda
Tağıp kirgença cılı üyüme,
Uruşda katımda ölgen tengim
Bügeçe tüşümde keldi manga.

Anı betinde, ol künça, kanı
Turadı ketmegenley, kızara.
Esimdedi ol kalay ölgeni
Cavun, kan da cibitgen sabanda.

- Manga ok tiygeninde, başımı
Sılamağandı süygen egeçim,
Suvuğan kan cuğulu betime
karap, cilamadı carlı anam.

Men cığılğanda, sense boyağan
Suvuk kollarıngı da kanıma,
Inçhağanımı da eştgen eding
Cavun cibitgen biyik budayda.

Eki közümü da cummağan eding,
caramı da baylarğa küreşip,
Entta turadı erinlerimde
Tatıvu öz caramı kanını.

Tüz nek cazmaysa meni üsümden?
Buşuv nek cokdu seni sözüngde?
Ne va sen ölgenni kıyınlığın
Bilmeİmise da? Ol duniyada

Bişmeydile almala, harbızla!
Men öldüm. Manga üy, duniya da Endi kitapdı.
Anı cazarğa Borçungdu,
anda caşar kibik men.

Ayt, turamıdı kitaplarıngda
Meni köp kıyınlığım, carsıvum,
Caşarğa, sen süİgença, süygenim,
Caznı, kışnı süygenim körürge?

Unutup koyma kanlı künleni,
Barğanıbıznı okla tübünde,
Uruşnu kıİınlığın, açıvun,
Ol seni katıngda ölgenleni!

Ok savlay andan koyğandı seni,
Tenglering ölüp seni üçünnge,
caşap tursun dep tüz haparıbız
Seni cazarık kitaplarıngda.

Kişilikdi caşavnu cüregi.
Kişilikni va unutma.
Alay coyulğan kıİınlığın unutsang,
Keçmezbiz biz, coyulup kalğanla!..

Unutma bar kayğını, azapnı,
Unuthança bir-bir cazıvçula.
O, ala calğan sözleri bla
Öltüredile ekinçi kere

Uruşda coyulup kalğanlanı!..
Ah, kıyındı duşmannı kolundan
Coyulup, bizniça caşlay ketgen!
Alay poetni kolundan ölgen -

Andan da kıyın, andan da kıyın!
cigitlik calğan nazmuça tuvmaz,
Tuvadı carsıvda, kıyınlıkda,
Erinleringi sarıla ete!..

Alay tuvadı çınttı kişilik, Anı unutma.
Boldung uruşda. Biz ırazı
bolurnu süyseng sen, Ötürük aytma
kitaplarıngda!..

Sen da, bizniça ölüp, bu cerge
Kirginçi, önübüznü eştgenley Tur,
unutmay erligibiz bla
Carsıvubuz birge bolğanların!..
1943