Karaçay Malkar Türkiye

Tavlu caşçık, aksıl eşekge minip,
kayrı barğanın da bilmey, baradı,
karangı bolğandı sabiyni künü,
Alay allında va tav ağaradı.

caşçık kaçıp bara küygen avuldan,
Uruş küydürüp alanı ellerin,
Azamatdan palah sıyırıp aldı
Sabiyle bla oynavçu künlerin.

Anı eski kaptalçığı cıltırıp.
coyuldu kaptalın etgen anası,
Uruşda öldü, kelmezça curtuna,
caşına çarıkla etgen atası.

Aksıl eşekge minip, kaçıp barğan
Caşçık! Ketmezse ömürde közümden.
Çeksiz kara kıyınlıklağa kalğan
Halkımı belgisise cüregimde!..

O, başıngı kısarça cüregime,
Meni allay amalım bolsa edi,
Köz caşları tamğan caşçık cerime!
cürek caramı bütün ullu etding!

Caşçık, eşekge minip, kaçıp bara,
kayrı barğanın da bilmey, kıyınlı!
Ol barğan col da cüregimde kara
Iz bolğanlay, cara bolğanlay kaldı!..
1942