Karaçay Malkar Türkiye

AZAT KUŞUM

Azat kuşum, sen uçup kel beri,
Alıp ket meni tavlağa keri!

Eki kanatıngı erkin kerip,
Ak tavlarımdan uçup kel beri.

Seni kökde kanlı duşman tıymaz,
Kanatlarınga kağa cel, ayaz.

Korkmay duşmanlanı toplarından,
Uçup kel termilgen tavlarımdan.

Sanga bir kişi da col körgüztmez,
Sanga kişi sılhır buyruk etmez,

Sanga kişi teli coruk cazmaz,
Ayaklarınga tot buğov salmaz.

Meni kesinge bek tansık etding,
Palah celinden küedi betim.

Azat kuşum, sen uçup kel beri,
Alıp ket meni tavlağa keri!

Uruş kanga boyağan elleni
Başı bla elt, erkin kuş, meni.

Korkmayma atarsa dep çıngılğa,
kanım tögülür dep kayalağa.

Azat kuşum, sen uçup kel beri,
Men termilgen tavlağa elt keri!..