Karaçay Malkar Türkiye

CÜREGİMİ SÖZÜ

Kim biledi - men kesimi üyümü
Tabarma oyulğan taş hurttakların,
Buşuv tumanı basıp cüregimi,
Tururma, suvuk külge karap, arı!

Bolsun, oyulğan hurttakların okun
Körürge bazama ata üyümü!
Calanda süyelmesin duşman - malğun -
Üsüne üyümü suvuk külünü.

Men kesim kaytmasam, karamasam
Azat bolğanlarına tavlarımı,
Tengim karasın, calanda barmasın
Cav taza karında oramlarımı!

Bolmasa, nazmula şıbırday, manga
Aylanırğa ol taşlı collarımda,
Tengim aylansın, calanda duşmannga
Aylanır ong berilmesin alada.

Kar başların körmey kalsam tavlanı,
Meni üçün da igi tengim körsün,
Calan körmesin közleri cavlanı,
Küysüz duşmanıbız, kan kusa, ölsün!

Toylada, kötürüp carık çağırnı,
Manga ong bolmasa içerge, tengim
İçsin. Calanda betsiz duşman anı
İçmesin, anga kelsin açı ölüm!

Manga tüşmese, minip kantor atha,
Malkarnı kögü tübünde barırğa,
Tengim barsın, uruşdan kelip artha,
Alay atım at bolmasın duşmannga.

Tüşmese camıçı tübünde manga
Tav cavunla cavğan keçe catarğa,
Tengim catsın, kuvançlı çığa tangnga,
Duşman ayağı tiymey tavda tarğa.

Oyulğan üy, küygen şahar da bolsun,
Calanda duşmandan azat bolsunla!
Erkin adamla işlerle barısın,
Calanda ömürge azat kalsınla!

Nazmu bolsun dep aytmayma bu söznü,
Palah kün cürekge közbav söz kirmez,
Bu nazmu uğay - cüregimdi meni,
Cürek ölüm uruşda aldav bilmez!..