Karaçay Malkar Türkiye

Carık Cır

Carık caşavnu cırın cırlayık
Büğün cürekle uçuna,
Bu seyir curtha mahdav salayık
Kalmay cerine, suvuna.

Avruğanlağa darman boladı
Mahar avuşnu suvları.
Küz artında va öküredile
Oy, dommayları, buvları!

Cögetey başı, oy Tallık tüzü,
Köl Cağasında kışlıkla.
Kaya ranları, gıyı buzları,
Çeget bavurda ışıkla!...

Oy mallarıbız cayılğandıla
Keng caylıklanı tolturub,
Kızlarıbız da iynek savalla
Ak kuşla kibik olturub.

Melhum caşavğa belgi bolalla
Gelev kırdıklı caylıkla,
Honşu elleni alga iymeydi
Uçkulan, eşda.baylıkğa!

Carık caşavnu cırın cırlaybız
Büğün cürekle uçuna,
Bu seyir curtha mahdav salabız
Kalmay cerine, suvuna.