Karaçay Malkar Türkiye

Bal çibinni cırı

Bal çibinim, bal çibinim
Baylık tartad başına,
Bal çibinim, bal çibinim
Boluşluk eted honşuğa.

Bal çibinim, bal çibinim
Ertden sayın ketedi,
Arımayın, ne talmayın
Otlab balla etedi.

Bal çibinim, bal çibinim
Belindedi artmağı.
Bal çibinni ızlab barsang
Çıkda bolur sokmağı.

Bal çibinim, bal çibinim
Kıyınından beredi.
Selpi çibin kavuz tutad,
Kağıbal çibin öledi.

Selpi çibin bir tüzelse,
Cılına üç kozlaydı...
Kağıbal çibin ongsuzdu,
Anı karıvu bolmaydı.

Bal çeten bek köb boladı
Çırmalmayın tüzelse,
Bal çibinim işleyalmaydı
Cangur ursa, cel kelse.

Çibin çigim aylana barsa
Sırtnı, kolnu tanıtır.
Katılama degenni da
Küçlü urub açıtır.

Bal çibinim, bal çibinim
Ertden sayın ketedi.
Arımayın ne talmayın
Tatlı balla etedi.