Karaçay Malkar Türkiye

Mikoyan  şaharğa

Şam karaçaynı ara belgisi
Mikoyan-Şahar tamaşa!
Sende tabılad har izlegening
Colung, oramıng caraşa.

Burun zamanda sen bola eding
Taşköpür elni otlavu.
Arbalanı da bılayda edi
Aslamısını tohdavu.

Endi mekyamla işlenngendile
Katı taşladan conulub,
Tögereging a demengilidi
Eki koban bla korulub.

Mikoyan-Şahar, oy seyir şahar,
Halkımı ara şaharı!
Sanga kelelle, onov izleyle
Şam Karaçaynı kartları.

Har bir adamğa kuçak kerese
Cürek cılıvnu ayamay,
Har tilekçini işin etese
Ne keçe, ne kün solumay.

Tavlula erkin aylanadıla
Oramlarınga caraşa.
Sıylı curtumu ara şaharı -
Mikoyan-Şahar - tamaşa!