Karaçay Malkar Türkiye

Köl Basama

Bugün avruv küçlegendi sanımı
Kutulurga, eşda, bolmaz madarım
Katı sagış aylandırgandı kadarım
Körüngendi acaşdırmaz kadarım.

Ömür değen küç sınagan tik cardı
Kim nasıblı karar anı başından
Men tabmadım çıgar colnu, ol hakdı
Cıgıldım da kobalmadım canımdan.

Caşavumda köb kıyınnı sınadım
İnciv çekdim tabılmayın keregim
İnşaallah ucuz bolmad muratım
Bolmad ucuz tüzlük tuthan cüregim.

Tersni, tüznü elek kibik sebeley
Zaman kesi muhur salır cavlaga
Zarlık etib, söz költürüb ketgenle
Eşitilirle entda çerde savlaga.

Kim bolsa da meni atıma oylatır
Meni sözüm cüregine baylanıb
Meni cırım Karaçayda aytılır
Milletimi avazına saylanıb.

Bugün avruv küçlegendi sanım
Kutulurga endi cokdu madarım
Tüz caşavum taza saklar atım
Tuvduklaga ceter kerti haparım.