Karaçay Malkar Türkiye

Aktamak

İsmayılnı kesini cırlavunda

Suvnu boynun oynay keledi,
Oy, ala çabak, kök çabak.
Ey! Şam Semenlada kelin bolğayed
Meni süygenim da Aktamak.

Maharalada va köksül kögürçün,
Salıb Semellağa kelginçin...
Ey! Cürek avruvum cok edi meni,
Ariv Aktamaknı da körgünçün.

Sekirib mindim da atıma, deyme,
Bılay cuvuk oltur katıma. Ey!
«Anisat» derge uyalğan eteme,
Aktamak atadım atınga.

Min, Aktamağım a, paytonga, deyme,
Tartıb barayık Maharğa.
Ey! Oynay-küle kelirbiz, korkma,
Semellanı eski da şaharğa.

Şam Semellada da şabdal terekle,
Nürlü betinge kölekke.
Ey! Proba saldırıb işletgenme
Sanga ak kümüşden a çelekle.

Şam Semellada da ingen alısın,
Cılına ceti çalınsın, a.
Ey! Meni sennen sora cokdu süygenim,
Atıb koyğanman a barısın.

Min, Aktamağım a, paytonga, deyme,
Çalıb tutayık kollanı.
Ey! Kayala çaçıb a kesim işlegenme
Payton cürürüğ a collanı.

Min, Aktamağım a, paytonga, deyme,
Ong közüm kibik, can kibik.
Ey! Men sol canıngda oynay kellikme,
Kırımdan kelgen a han kibik.

Min, Aktamağım a, paytonga, deyme,
Sen gokka hanslı biçellik.
Ey! Sen caşnap turluk, azmaz arivluk,
Men Mingi suvdan da içellik,

Ullu Şemişerde va çille sürgenme,
Urçuknu kolğa alğayeng.
Ey! Kümüş suv ağaçıng, altın çeleklering,
Absılla bla suvğa da barğayeng.

Ullu Şemişerde va çille sürgenme da,
Sayav kollarınğda saylarğa.
Ey! Meni carlırakğa tergeysen, ansın,
Cuvab berlik eding da baylarğa.

Gürcüde gözür a oynayla, dedim da,
Ebzede kozu kırkıla.
Ey! Kün tiygen ariv a, kaydan kelese,
Mamuk tav kibik a sıtıla

Şamsunnu sarı da tülküsü, deyme,
Candetden zemzem bürkülsün.
Ey! Bizni cazıvubuz bir bolub, alan,
Oy, sanga nekih a etilsin!

Sen Kıbla tavnu da altın bayrağı,
Men ortasında kuruğu.
Ey! Anang Sırmahan balğayed, alan,
Anam Culduzhannı da cuvuğu!

Sen Kıbla tavnu da altın bayrağı,
Men ortasında karlavu.
Ey! Kesing «ho» deseng, bolluk tül edi,
Atangı, anangı da çarlavu.

O Kıbla tavda va altın samavar,
Alıb, Semellağa kim avar?
Ey! Sen ak boğaklı, marcan mınçaklı,
Ey, senden ariv a kayda bar!

Surahay, sarı da cavluğung,
Ariv caraşadı sanınga.
Ey! İngilik salasa deb guruşha etelle
Allah bergen a kanınga.

Surahay, sarı da cavluğung,
Anı küe kırksın çaçağın!
Ey! Şam Semellada va esen kelin bolub,
Otov üyde bolsun da uşağıng!

Surahay, sarı da cavluğung,
Tamam arivlukdu baylığıng
Ey! Men kılsız karmak, sen altın çabak,
Sen manga kaydan a tabılğın!..

Öltürme meni da etgen antıma,
Bılay cuvuk oltur katıma.
Ey! «Anisat» derge uyalğan eteme,
«Aktamak» atadım atınga.

Arhızda altı üy, üç özen, deyme,
Caşağan cering tar özen.
Ey! Meni öllüğüm seni üsüngdendi,
Seni öllüğüng da zar közden.

Sarı-Tüzde pirinç sabanla,
Neçik ormaydıla bu amalla?!.
Ey! Çaçıngı tararğa, kaşıngı sılarğa
Men keltirtirme da darmanla!

Manahlada kilisa deyme,
Anı kongurovu kağılsa...
Ey! Kelin bolluksa şam Semellağa,
Carathan Allah buyursa.

Ertden bla ertde tebredim,
Teberdi tavğa örledim.
Ey! Tavlu kızlanı içinde, deyme,
Men sanga uşağan da körmedim.

Cazlıkda cangır a cavadı, dedim da,
Duvutda kümüş bağadı.
Ey! Alıb alalmay, koyub koyalmay,
Cüregim avruv da tabadı.

Türlengen dariy a kibikdi türsününg,
Kaşlarıngı tabsız tüymeseng.
Ey! Duniya adamlağa cuvab bermeysen a,
Candet keleçile va iymesem.

Ay, cürek közüm sağayad sanga,
Oy, töngek közüm cuklaydı.
Ey! Ayğa uşağan arivla kördüm,
Cüregim sende va tohtaydı.

Ala kögürçün a, sarı ilaçin a,
Köziv cırlayla cırıngı.
Ey! Söz bla kıynamam seni cüregiñi,
İşletib taldırmam da kolungu.

Maskuvada altın buvunluk,
Uçuz bağasına satılad.
Ey! Aktamak süyed meni, tenglerim,
Açık aytırğa va tartınad

Erikgellada da üç erik deymen a,
Oy, ırhı kelib, köçerik.
Ey! Kayın kızlarıng bardıla seni,
Sen tüyme, kamar da teşerik.

Bayçoralada va bal alma, deyme,
Kağıb aşatır Davta.
Ey! Cırlarıng cüreg a taralta, deyme,
Sözlering tamağ a karılta...»